VOCE 'E NOTTE!

di DE CURTIS - LARDINI ( Nicolardi )

I

Si 'sta voce te sceta 'int' 'a nuttata,
mentre t'astrigne 'o sposo tuio vicino,
statte scetate,si vuo sta scetata,
ma fa vedé ca dorme a suonno chino.

Nun gghì vicino 'e lastre pè ffa 'a spia,
pecchè nun può sbaglià:'sta voce è 'amia...
E' 'a stessa voce 'e quanno tutt''e duie
scurnuse, nce parlavamo c' 'o "vvuie".

II
Si 'sta voce te canta dint' 'o core
chello ca nu te cerco e nun te dico;
tutt' 'o turmiento 'e 'nu luntano ammore,
tutto l'ammore 'e 'nu turmiento antico.
Si te vene 'na smania 'e vulè bene,
'na 'smania 'e vase correre p' 'e vvene,
nu fuoco ca t'abbrucia comm' 'a cche,
vàsate a chillo.Che te 'mporta 'e me?

III
Si 'sta voce, che chiagne 'int 'a nuttata,
te sceta 'o sposo,nun avè paura,
vide ch'èsenza nomme 'e serenata...
Dille accussì:"Chi canta int' 'a 'sta via,
o sarrà pazzo,o more 'e ggelusia...
Starrà chiagnenno quacche 'nfamità...
Canta isso sulo...Ma che canta a ffà?"
menù testi
ascolta
Testo cliccato volte!