E' vierno,chiove,chiove 'a 'na semmana
e st'acqua assai cchiù triste me mantene...
che friddo quanno è 'a sera ca me vene...
cu st'aria 'e neve mò ca manche tu.
'Sta freva ca manch'essa m'abbandona
'sta freva a cuollo nun se leva cchiù!
Ritornello:
Vierno!
che friddo int'a stu core!
E sola tu
ca le può dà calore.
te staje luntana e nun te faje vedè!
Te staje luntana e nun te cure 'e me!
II
Ca mamma appiccia 'o ffuoco tutt''e ssere
dint'a 'sta cammarella fredda e amara!
Ma che l'appiccia a ffà, vecchia mia cara,
s'io nun me scarfo manco 'mbraccio a tte?
Povera vecchia mia me fa paura:
è 'n'ombra ca se move attuorno a mme!
