TURNAMMOCE A' NCUNTRA'

di: Colosimo - Mallozzi




I

Tutt''e strade se 'ncontrano,
se 'ntrecciano
se parlano
comm''e penziere, comm''e speranze
d''e 'nnammurate...
...e si chesta fantasia
nun è proprio 'na buscia,
pe' stasera tutt''e dduie:
core e core stammo già:
songh''e strade ca ce portano
a 'sta felicità...

Ritornello

Turnammoce a 'ncuntrà,
ca è bello a ce 'ncuntrà
cu 'stu felillo 'e luna...
Tu pure vuo' accussì,
dall'aria 'o sento 'e dì
ca ce vulimmo bene...
Ammore,
'a strada 'e l'ammore
t'aspetta cu mme:
sta carreca 'e sciure
c'addorano 'e te...
'O core mio te vò
'o core tuio me vò:
nuie simmo 'na canzone...
Turnnammoce a 'ncuntrà,
ca è bello a ce 'ncuntrà,
cu 'stu felillo 'e luna...

II

Chella sera d''e nuvole,
d''e cchiacchiere,
d''e llacreme,
quanta penziere e che turtura
p''a gelusia...
L'ombra toia s'alluntanava
ma 'na lacrema parlava
dint''o scuro e me diceva:
"Chella more senza 'e te!..."
Quanta strade e quanta palpite
speranne 'e te vedè...

Per finire

Tutt''e strade se 'ncontrano,
se 'ntrecciano,
Turnammoce a'ncuntrà...
menù testi
Testo cliccato volte!