'O SOLE MIO
di: Di Capua - Capurro
I
Che bella cosa è na jurnata 'e sole,
n'aria serena doppo na
tempesta!
Pe' ll'aria fresca pare già na festa...
Che bella cosa
na jurnata 'e sole.
Ritornello
Ma n'atu sole
cchiù bello, oi nè,
'o sole mio
sta nfronte a
te!
II
Lucèno 'e llastre d' 'a fenesta toia;
'na lavannara canta e se ne
vanta
e pe' tramente torce, spanne e canta,
lùceno 'e llastre d'
'a fenesta toia.
Ritornello
Ma n'atu sole
cchiù bello, oi nè,
'o sole mio
sta nfronte a
te!
III
Quanno fa notte e 'o sole se ne scenne,
me vene quase 'na
malincunia;
sotto 'a fenesta toia restarria
quanno fa notte e 'o
sole se ne scenne.
Ritornello
Ma n'atu sole
cchiù bello, oi nè,
'o sole mio
sta nfronte a
te!