N i n o D'A n g e l o
"'O schiavo e 'o rre"
alcuni testi 2003

E te penzo e sto male

E te penzo,
sott’a sta luna ‘e dicembre
senza ‘na stella e ‘a neve ‘nterra
‘a paura ‘e ‘na guerra,
io ce penzo e sto male
e te penzo,
pe’ nmiez’’o friddo ‘e st’inverno
‘o viento aiza ‘e foglie ‘a terra
‘a jurnata è cchiù lenta
io ce penzo e sto male
e tu me passe ncopp’‘e vene
‘e corsa comme passa ‘o treno
ca nun se ferma maie
e tu te pigli ogni piacere
ogni parola, ogni penziero
ca nun racconto maie
e te penzo e sto male
e te penzo,
addò ‘nu figlio se lamenta
e strilla forte contro ‘o tiempo
‘a fatica e ‘o governo
e io ce penzo e sto male
e tu me passe ncopp’’e vene
‘e corsa comme passa ‘o treno
ca nun se ferma maie
e tu te piglie ogni piacere
ogni parola, ogni penziero
ca invece nun racconto maie
io nun racconto maie, maie
e te penzo e sto male

**********
Napule e ‘a vita mia

Napule comme si bella int’a st’aria ‘e matina
Ca vene d’’o mare e me vene a scetà
Napule, ‘o sole ca trase e m’abbaglia ‘o destino
Ma quanta buscie pe sapè ‘a verità
Napule mille canzone
Affacciate a ‘e balcune ca vonno cantà
Napule ‘a tutta ‘na vita assettata a guardà
Napule l’alba ‘e na chiesa, ogni preta è nu santo
Ca veste ‘e speranza chi vene a pregà
Napule sott’a muntagna ca ride e te lagne
te mangia ‘a pacienza pe’ nun affunnà
Napule pane e pallone
Ma quanta guagliune ca vonno signà
P’ascì d’‘a faccia ‘e stu tiempo ca nun vo cagna’
E ‘a vita, ‘a vita mia
Sta ‘mbraccio a te
A te ca nun vide, nun siente, nun saie
Ca ‘o dulore nun fa durmì maie
A te ca nun cride e nun saie
Ca int’‘o poco se po’ truvà assaie
Napule, ‘a mamma d’‘a strada ca tene cchiù vite
Ma quanta fatica pe’ ghì a faticà
Napule ‘a voce d’‘a gente ca dorme int’e viche
Ca s’adda sta zitta e vulesse parlà
Napule l’odio e ‘a passione
Pe’ chi s’annammore, pe’ chi se ne va
Napule chiena ‘e fantasme ca t’hann’’a mangià
A te ca nun vide, nun siente, nun saie
Ca ‘e ghiurnate nun cagnano maie
A te ca nun cride e nun saie
Ca ‘e miracule costano assaie

**********
‘O pate

‘O pate è ‘o pate
nun se po lamentà maie cu nisciuno
addà fa sempe ‘o forte, addà fa ‘o pate
è capo ma nun sape cumannà
‘o pate è ‘o pate
sempe annascuso, nun se vede maie
ma sape tutto chello ca succere
e quanno vò se sape fa sentì
e c’’a fatica ‘nfaccia e dint’’a ll’ossa
va cammenanno cu ‘e penziere appriesso
se cresce e figli dint’’o portafoglio
sempe cchiù chino e ‘sti fotografie
nisciuno ‘o sente quanno parla sulo
e se fa viecchio sestimanno e guaie
e si ‘o faie male s’astipa ‘o dolore areto a ‘nu sorriso
e se va appendere int’’o scuro
a ‘na lacrema d’’o core
ca ogni tanto ‘o fa cadè
‘o pate è ‘o pate
nun se po’ rassignà si ‘o juorno è niro
pe’ forza addà truvà nu piezze ‘e sole
pe’ scarfà a casa soia primma ‘e partì
‘o pate è ‘o pate
‘o primmo amico ‘e quanno si criaturo
ca fore a scola nun ‘o truove maie
ma sta tutte ‘e mumente addò staie tu
‘o truove sempe cu ‘o piacere ‘n mane
si nun vuò niente te vo’ da coccosa
e se sta zitto pe guardà ‘e parole
ca so carezze ca isso t’’a mparato
acale l’uocchie quanno te salute
e sott’e diente dice statt’accorto
e chella mano ca te tocca ‘ a spalla è ‘o coraggio ca tiene
e nun te miette cchiù a paura
pecchè saie ca nun si sulo
quanno a vita è contro a te

**********
‘O schiavo e ‘o rre

Sentite gente,vicine e luntane
vuie ca tenite sulo ‘e suonne astipate
e ‘a tanto tiempo c’aspettate ‘a fortuna
e si ‘a cercate nun va fa truvà nisciuno
sentite gente ‘ncantata ‘a stu mare
nun basta ‘o sole pe’ ghì annanze dimane
e chisto treno ca v’avess’’a purtà ‘a luna
l’hanno deviato già int’a a casa ‘e coccoruno
ma comme se fa a dicere viva l’Italia
campanno senza vivere, zumpanno ‘e guaie
ma comme se fa a dicere viva l’Italia
murenno sotto ‘e diebete ca fanno l’ate
‘O schiavo e ‘o rre, sto mano a te
a te ca te piglie ‘o respiro e ‘e mane pe’ scrivere
‘o schiavo e ‘o re, ‘a legge d’’a vita chest’è
‘o riesto so sule parole, ‘nu telecomando e ‘na televisione
Sentite gente cu ‘e braccia stancate
Vuie ca ‘a fatica va site ‘nventata
E dint’’e sacche ve purtate ‘o dolore
D’’a libertà pigliata a schiaffe d’’o padrone
ma comme se fa a dicere viva l’Italia
campanno senza vivere, zumpanno ‘e guaie
ma comme se fa a dicere viva l’Italia
murenno sotto ‘e diebbete ca fanno ‘e l’ate
‘O schiavo e ‘o rre, sto mano a te
a te ca te piglie ‘o respiro e ‘e mane pe’ scrivere
‘o schiavo e ‘o re, a legge d’’a vita chest’è
‘o riesto so sule parole, ‘nu telecomando e ‘na televisione

**********
Pe’ tte

Pe’ tte io voglio nascere ogni juorno
Ammore ca me miett’’o friddo ‘ncuollo
Sule pe’ te voglio tremmà ‘a matina
Ammore ca daie l’aria a vita mia
Che fa si po fa friddo e costa ‘o fuoco
A nuie che ce ne ‘mporta
Tanto ce sta sempe ‘a ciorta
Che fa si cade l’acqua che fa male
E nfonn’o tiempo ca ce simmo amate
Che fa tanto ‘o dolore passa e vene
Ce staie tu ca me vuo’ bene
E io nun voglio niente cchiù
Pe’ tte voglio pregà quanne m’addormo
Ammore ca me miette ‘o friddo ‘ncuollo
Sule pe’ te voglio ncuntrà ‘a pazzia
Ammore ca faie bella ‘a gelusia
Che fa si ‘o tiempo passa e ce fa vecchie
Ossaie ca ‘a vita è chesta
Araputa e ‘na fenesta
Che fa quanno ‘a speranza nun ce vede
E ‘a forza d’’a pazienza nun ce aiuta
Che fa tanto ‘o dolore passa e vene
Ce staie tu ca me vuo bene
E io nun voglio niente cchiù

**********
Preghiera

Qant’anne so ca t’aspetto
assettato ‘nn’annz’a tutte ‘e ragione
nun te saccio spiegà e te ‘nvento
e te parlo e dico senza parlà, dint’’a mente
tutto chello ca nun saccio dì, tutto chello ca io sento
quant’anne so ca me perdo
e tra na buscia e ‘na verità
nun te saccio truvà, e te cerco
ma so troppo fragile pe restà indifferente
accussì ‘o desiderio e ‘o sbaglià, dann’’a vita cchiù senso
e voglio a te, a te ca tiene ‘o munno ‘mbraccia
e voglio a te, a te ca ce annascunno ‘a faccia
e voglio a te a te pe’ me sentì cchiù forte
e voglio a te, ca saie ‘a chiave ‘e tutte ‘e porte
Quant’anne so’ ca te penzo
e currenno ‘o tiempo senza parlà
aggiu perzo l’età e sto ‘nterra
tu si ‘a forza e ‘e mane pe’ m’aizà lentamente
fa murì ‘o desiderio e ‘o sbaglià, alluntana st’inferno
e voglio a te, a te ca tiene ‘o munno ‘mbraccia
e voglio a te, a te ca ce annascunne ‘a faccia
e voglio a te a te pe’ me sentì cchiù forte
e voglio a te, ca saie ‘a chiave ‘e tutte ‘e porte
E’ ‘na preghiera d’ammore
ca nun ‘a dico maie
stammatina nun passa ‘o dolore
e io nun ce a faccio ascì d’‘o male

**********
Rosanera

Guardo ‘a musica ca balla ncopp’’e fianche tuoie
Uocchie ‘e st’isola luntana, addò sta ‘e casa ‘a luna
Nun te saccio ma te saccio già, si rosanera
Si putesse cagnà ‘a faccia d’’o destino tuoio
Io mettesse a me int’’e notte c’avisse a ncuntrà ancora
E dicesse all’alba nun venì, nun ‘a scetà, falla durmì, ‘sta rosanera
Faie murì
Tu si n’angelo ca faie murì
‘A ragiona e ‘a paura ‘e capì
Ca tu si nu suonno
Ca faie murì
St’uocchie ‘e bene ca chi ‘e guarda sente ‘ncuoll’ ‘o mare
E ‘sti braccia comm’aucielle c’hanno perzo ‘o cielo
Pareno che vonno cercà a me ohi rosanera
Te desidero ‘o pensiero smania ‘e te int’’e mmane
‘A coscienza me cundanna ma m’assolve ‘o core
M’accattasse ‘o tiempo pe’ t’amà, pe’ sta cu te n’eternità ohi rosanera
Faie murì
Tu si n’attimo ca faie murì
‘a prigiona e po’ ‘a chiave p’asci
‘a stu suonno ca io me sonno
senza durmì