DDDUJE VIECCHIE PRUFESSURE ‘E CUNCERTINO
NU JUORNO NUN AVEVANO CHE FA’
PIGLIAIENO ‘A CHITARRA E ‘O MANDULINO
E’MPARAVISO JETTENO A SUNÀ.
- TUPPE TTÙ, SAN PIÈ, ARAPITE
VE VULIMMO DIVERTÌ...
- SITE ‘E NAPULE? TRASITE,
E FACITECE SENTÌ...
V’AVIMM’ ‘A FA’ SENTÌ DDOJE, TRE CCANZONE,
CA TUTTO ‘O PARAVISO HADDA CANTÀ
SUSPIRE, VASE, MUSICA E PASSIONE
ROBBA CA SULO A NAPULE SE FA.
E ‘A SERA ‘MPARAVISO SE CANTAJE
E TUTTE ‘E SANTE JETTENO A SENTÌ!
‘O REPERTORIO NUN FERNEVA MAIE:
CARMELA, ‘O SOLE MIO, MARIA MARÌ!
AH, SAN PIÈ, CHESTI CCANZONE
SULO NAPULE ‘E PPÒ FFÀ.
ARAPITE STU BALCONE,
‘A SENTITE ‘STA CITTÀ?
E SOTT’ ‘O SOLE A ‘A LUNA VUJE SENTITE
STI VVOCE CA SO VOCE E GIUVENTÙ
SI PO’ SCENNITE LLÀ, NUN ‘O CCREDITE?
VUJE ‘MPARAVISO NUN TURNATE CCHIÙ!
MA, DOPPO POCO, D’ ‘A MALINCUNIA
‘E VIECCHIE SE SENTETTENO ‘E PIGLIÀ
SUFFREVANO NU POCO ‘E NUSTALGIA,
E A NAPULE VULETTENO TURNÀ.
MÒ, SAN PIÈ, SI PERMETTITE,
NUJE V’AVIMM’ ‘A SALUTÀ.
SITE PAZZE! CHE DICITE?
NUN VULITE RESTÀ CCÀ?
NUJE SIMMO ‘E NU PAESE BELLO E CARO
CA TUTTO TENE E NUN SE FA LASSÀ
PUSILLECO, SURRIENTO, MARECHIARO...
‘O PARAVISO NUOSTO È CHILLU LLÀ!
