'O RITRATTO 'E NANNINELLA

di: Vian - Scarfò



I

Caro pittore
'mmescale c'o penniello sti culure,
pròvate a ffà 'nu quadro di valore:
pìttece 'na matassa 'e seta nera,
pìttece ddoie curvine scure scure,
'na fravola zucosa
e 'na schiuppata 'e rose, rose thè!


Ritornello:

Chist'è 'o ritratto,
o' ritratto 'e Nanninella:
suspire e vase ardente,
prumesse e giuramente,
bellezza e rarità!
Chistu ritratto
io ce 'o manno a Nanninella:
che ffà si m'ha lassato?...
si ammore, mò è fernuto?...
Chistu ritratto
'nce l'aggia mannà!...

II

Caro pittore,
'mmescale c'o penniello sti culure,
pròvate a ffà 'nu quadro di valore:
pìttace 'na tempesta 'mmiez'o mare,
pìttece, atturcigliata a cciente core,
'na vipera maligna,
cu ll'uocchie 'e fuoco, pronta a muzzecà!


Ritornello:

Chist'è 'o ritratto,
o' ritratto 'e Nanninella:
suspire e vase ardente,
prumesse e giuramente,
bellezza e rarità!
Chistu ritratto
io ce 'o manno a Nanninella:
che ffà si m'ha lassato?...
si ammore, mò è fernuto?...
Chistu ritratto
'nce l'aggia mannà!...

Finale:

Chistu ritratto
io ce 'o manno a Nanninella:
giacchè dimane sposa,
lle voglio fà 'a surpresa:
chistè 'o regalo 'e nozze
ch'aggia ffà!...
ascolta
menù testi
Testo cliccato volte!