Dal testo
vivace, descrive il brulicare del quartiere del Cavone, vicino piazza
Dante, che si mobilita per assaggiare la pizza appena sfornata dal
pizzaiolo del posto.
'O Pizzaiuolo
Nuovo canzone scitta da:Giovanni CAPURRO e musicata
da:Salvatore Gambardella
I 'O pprincipio d' 'o Cavone, addò steva 'o
pizzaiuolo, llà sta 'o capo pizzaiuolo, non putite mai
sbaglià. Quanno sforna chelli pizze, saglie 'addoree p' 'o
quartiere! Ma che pizze! So 'pastiere, sfuglitelle? ma che
so'? P'otte solde sulamente se po' fa' 'e quatto manere, pe' 'na
mamma è 'nu paciere, quanno 'a sparte fa accussì: 'a nennella cu 'a
pummarola, 'o nennillo c' 'o ciceniello, 'o cchiù gruosso c' 'o
fungetiello, ll' ato riesto s' o' vvede mammà.
II
Quann' è
'a festa,'a princepala pe' 'mpastà scenn'essa apposta. Llà nce vo'
'na forza tosta nfaccia 'a martola a 'mpastà. "Princepà,comme 'a
tenite?". Ve risponne:"'A tengo chiena" cu na grazia ch' è na
pena pe' chi passa e adda sperì! P'otte solde sulamente se po' fa'
'e quatto manere, pe' 'na mamma è 'nu paciere, quanno 'a sparte fa
accussì: 'a nennella cu 'a pummarola, 'o nennillo c' 'o
ciceniello, 'o cchiù gruosso c' 'o fungetiello, ll' ato riesto s' o'
vvede mammà.
III
Chi se mmocca 'o primmo muorzo, fosse
pure 'nu barone, nun 'o lassa 'o curnicione, chi nun crede adda
pruvà. Vì che t'esce 'a chillu furno!... So' caruofane 'sti
ppizze! Ma che sciure! che bellizze! quanto è certa 'a
libbertà. P'otte solde sulamente se po' fa' 'e quatto manere, pe'
'na mamma è 'nu paciere, quanno 'a sparte fa accussì: 'a nennella cu
'a pummarola, 'o nennillo c' 'o ciceniello, 'o cchiù gruosso c' 'o
fungetiello, ll' ato riesto s' o' vvede mammà.