Dimane?...Ma vurria partì stasera! Luntano no... nun ce resisto
cchiù! Dice che c'è rimasto sulo 'o mare, che 'o stesso 'e
primma... chillu mare blu!
Munasterio 'e Santa Chiara... tengo 'o core scuro scuro... ma
pecchè, pecchè ogne sera penzo a Napule comm'era, penzo a Napule
comm'è?!
Funtanella 'e Capemonte... chistu core mme se schianta quanno
sento 'e dì d''a ggente ca s'è fatto malamente, 'stu paese... ma
pecchè?
No... nun è overo! No... nun ce crero E moro pe' 'sta smania 'e
turnà a Napule... ma ch'aggia fa... mme fa paura 'e ce turnà!
II
Paura?... Si... Se fosse tutto overo? Se 'a ggente avesse ditto 'a
verità? Tutt''a ricchezza 'e Napule... era... 'o core! Dice...
ch'a perzo pure chillu llà!
Munasterio 'e Santa Chiara... 'nchiuse dint'a quatto
mura, quanta femmene sincere si perdevano n'ammore, se spusaveno
a Gesù.
Funtanella 'e Capemonte... mò si perdono n'amante già ne teneno
'ati cciento... ca 'na femmena nnucente
dice 'a ggente, nun c'è cchiù.
No... nun è overo... No... nun ce crero, E moro pe' 'sta smania 'e
turnà a Napule... mach'aggia fa? mme fa paura 'e ce turnà!
Munasterio 'e Santa Chiara... tengo 'o core scuro scuro... Ma
pecchè ogne sera penzo a Napule comm'era, penzo a Napule
comm'è?!