Cara Nannina,
te scrivo chesta lettera d'ammore
tutta napulitana
pecchè accussì te sento cchiù vicino
mò ca te stò luntano.
Pure 'a luntano,
io m'arriccordo 'e te tutt''e mumente
e ppò quann'aggio quacche surdiglino
dico: Chest'è Nannina
ca stà parlanno 'e me.
Pienzeme
comm'io te penzo a ttè matina e sera.
Giurame
ca nun me lasse maie manco si moro.
Salutame Pusilleco, 'a Litoranea, 'o Vommero
ll'aucielle 'e rrose, ll'albere,
'o sole 'e sta città...
Salutame a mammà
e 'e me nun te scurdà.
Nnammuratella,
sott''o ritratto addò tu ride sempe
cu ll'uocchie a zennariello,
screviste: Al mio carissimo Ciccillo,
simpaticone e bello.
Cara Nannina,
stu ritrattiello è tutta 'a vita mia,
dorme sempe cu mmè sott''o cuscino.
te tengo dint''e 'vvene,
staie sempe 'nzieme a mmè.
Pienzeme,
comm'io te penzo a ttè matina e sera.
Giurame
ca nun me lasse maie manco si moro.
Salutame Pusilleco, 'a Litoranea, 'o Vommero
ll'aucielle 'e rrose ll'albere,
'o sole 'e sta città...
e 'e me nun te scurdà.
Sta lettera d'ammore,
aggio penzato: Mò ci 'a manno 'a Radio,
a Nanninella Esposito,
Santa Maria degli Angeli 28, Napoli.
