Mia cara madre, sta pe' trasì Natale, e a stà luntano cchiù me
sape amaro... Comme vurria allummà duie tre biangale, comme
vurria sent' nu zampugnaro!... E le ninne mieie facitèle o
presepio, e a tavola mettite 'o piatto mio: facite, quanno è 'a
sera d' 'a Vigilia, comme si mmiezo a vuie stesse pur'io...
Ritornello
E nce ne costa lacrema st'America a nuie napulitane... co' nuie
ca nce chiagnimmo' o cielo 'e Napule, comme è amaro stu ppane!
II
Mia cara madre, che ssò che ssò 'e denare? Pè chi se chiagne 'a
Patria nun sò niente... Mo tengo quacche dollaro, e me pare ca
nun sò stato maie tanto pezzente! Ma sonno tutt' 'e notte 'a casa
mia, e d' 'e criature mieie ne sento 'a voce, ma a vuie ve sonno
comme a 'na "Maria" m' 'e state 'mpietto 'nnatt'o figlio 'ncroce.
Ritornello
E nce ne costa lacrema st'America a nuie napulitane... co' nuie
ca nce chiagnimmo' o cielo 'e Napule, comme è amaro stu ppane!
III
M'avite scritto che Assuntella chiamma chi l'ha lassata, e sta
luntana ancora... Che v'aggia dì? Si 'e figlie vonno 'a
mamma, Facitela turnà chella "signora"... Ma no, nun torno. Me
ne resto fore, e resto a faticà pe' tutte quante. E s'aggio
perzo patria, casa, onore, I sò carne 'e maciello: sò emigrante!...
Ritornello
E nce ne costa lacrema st'America a nuie napulitane... co' nuie
ca nce chiagnimmo' o cielo 'e Napule, comme è amaro stu ppane!