GUAPPARIA

di FALVO - BOVIO


I

Scetàteve, guagliune 'e mala vita,
ca è 'ntussecosa assai 'sta serenata:
i' songo 'o nammurato 'e Margarita
ch'è 'a femmena cchiù bella d''a Nfrascata.

Ritornello:

L'aggio purtato 'o capo cuncertino,
p''o sfizio 'e me fa sentere cantà...
M'aggio bevuto nu bicchiere 'e vino,
pecchè stanotte 'a voglio ntussecà...
Scetàteve, guagliune 'e mala vita!

II

E accumparuta 'a luna all'intrasatto
pe' lle dà 'o sfizio e' me vedè distrutto:
pe' chello ca 'sta femmena m'ha fatto,
vurria ca 'a luna se vestesse 'e lutto...


Ritornello:

Quanno se ne venette a' parte mia,
ero 'o cchiù guappo 'e vascio 'a Sanità...
Mo c'aggio perzo tutta 'a guapparia
cacciatemmenne a dint''a suggità...
Scetàteve, guagliune 'e mala vita!

III

Sunate, giuvinò, vuttate 'e mmane,
nun v'abbelite, ca sto' buono 'e voce:
i' me fido 'e cantà fino a dimane,
i' metto 'ncroce a chi m'ha miso ncroce...


Ritornello:

Pecchè nun va cchiù a tiempo 'o mandulino?
Pecchè 'a chitarra nun se fa sentì?
Ma comme, chiagne tutto 'o cuncertino
addò che avesse chiagnere sul' i'?...
Chiagneno sti guagliune 'e mala vita!
ascolta
menù testi
Testo cliccato volte!