Dicitencello a 'sta cumpagna vosta
ch'aggio perduto 'o suonno e 'a fantasia ca 'a penzo sempe, che
è tutta 'a vita mia... I' nce 'o vvulesse dicere, ma nun nce 'o
ssaccio dì!
Ritornello:
'A voglio bbene, a' voglio bbene assaie, dicitencello,
vuie ca nun m' 'a scordo maie! E' 'na passiona cchiù forte 'e
'na catena, ca me turmenta ll'anema e nun me fa campà!
II
Dicitencello ch'è 'na rosa 'e maggio, ch'è assaie cchiù bella 'e
'na jurnata 'e sole. D' 'a vocca soia, cchiù fresca d' 'e
vviole i' già vulesse sentere ch'è nnammurata 'e me!
III
'Na lacrema lucente v'è caduta... diciteme 'nu poco a che penzate?
Cu' st'uocchie doce vuie sola me guardate... Levàmmece 'sta
maschera, dicimmo 'a verità:
Finale:
Te voglio bbene, te voglio bbene assaie, Si' ttu chesta
catena ca nun se spezza maie! Suonno gentile, suspiro mio
carnale, te cerco comm'all'aria, te voglio pe' campà!
