Carmela è 'na bambola
e fa ammore cu mmè...
Ma 'a mamma è terribile
nun m''a vo' fa vedè.
Allora aggio truvato
nu bellu ritrovato:
Carmela fa 'a sunnambula
pe' me venì a truvà...
E fa scema a mammà!
E cu' 'a scusa ca è 'na sunnambula
chesta bambola nèh che fa?
Tutt''e ssere pe' ccopp'a ll'àsteco
vene a ll'ùnnece a ppassiggià.
Ncopp'a ll'àsteco ce stongh'io
e le dico: Stò ccà pe' ttè!
E 'a sunnambula,
ch'è 'na bambola,
fa 'a sunnambula
'nbraccio a mmè.
II
'O pate, 'Onn'Arcangelo,
pe' dispietto nun vo'.
Le songo antipatico...
e m'ha ditto ca no.
Ma a mmè che me ne 'mporta
io tengo aperta 'a porta.
Carmela comm''o ssolito
me vene a cunzulà...
E fa scem a papà!
E cu 'a scusa ca è 'na sunnambula
chesta bambola nèh che fa?
Tutt''e ssere pe' ccopp'a ll'àsteco
vene a ll'ùnnece a ppassiggià.
Ncopp'a ll'àsteco ce stongh'io
e le dico: Stò ccà pe' ttè!
E 'a sunnambula,
ch'è 'na bambola,
fa 'a sunnambula
'nbraccio a mmè.
